ilo toki nasa mi en wile kepeken ona

tan jan dkl9 lon tenpo 2024-015. ona li ante pini pi mute 0 lon tenpo 2024-015

mi kepeken e linja pona tan jan Same (CC BY 4.0)


ni li sona sama lipu "My unusual phone, and why I use it".

mi kepeken e ilo toki Nokija pi sona meso. jan li kepeken e nimi "ilo toki pi ante lipu" tawa ona tan ni: ona li wawa sama ilo toki pi ante lipu. taso, ilo toki mi li jo ala e weka sike pi ante lipu. ilo toki li suli pi mute Sentemete ni: mute 12 en mute 5 en mute 1. kipisi wan suli ona li jo taso e supa nanpa kiwen pi kipisi 21 tan ni: sinpin sitelen li pilin ala e luka. ilo toki li jo e lupa pi ilo kalama lawa e lupa USB lili e ilo lukin pi suli 480x640. mi ken ala kama jo e ilo kon sin. pana pini la, ilo kon pi tu wan taso li toki tawa linja suli pi ilo sona.

mi kepeken e ilo toki pi sin ala suli lon tenpo sike 2023 tan seme? jan mute li toki ken e ni tu:

taso, toki ni li lon ala.

ilo toki sona sin li kepeken mute e ilo kon ike. ilo kon ni li lanpan e lukin lawa li pana e wile pi lukin mute li pana ala e pona suli. ilo linja kulupu en ilo kon pi pali musi li ike ni. ilo toki Nokija mi li jo taso e ni tawa lanpan lukin:

ilo toki pi wawa lili la, mi kama jo e ken wile mi (toki kalama kon en toki sitelen kon en toki pi lawa pini pi tenpo kama en sitelen lukin en lipu kon pi mute lili) li kama jo ala e lanpan lukin ike mute.

ilo toki ni li wile e mani lili tawa ilo toki wawa mute. sina kama jo e wile ale kepeken mani lili la, o kepeken e mani mute tan seme? (jan li kepeken e mani mute la, jan ante li kama sona e jo mani ona. taso, mi wile ala e ni.)

ilo toki mi li pona kiwen tawa ilo toki ante. ilo mi li lili la, poki len li ken jo e ona kepeken wawa lili. ilo mi li wile e wawa kon lili la, ona li awen pali lon tenpo suno mute tan pana wawa kon wan.

wawa kiwen li ante ala e wile mi. ante tawa toki pi jan mute la, ilo toki Nokija li ken pakala. ilo Nokija 3310 taso li ken ala pakala. taso, ilo mi li ilo 3310 ala li nanpa tu tan ni: ilo toki wan mi sama li pakala tan tawa anpa lili lon supa anpa.