tan jan dkl9 lon tenpo 2023-199. ona li ante pini pi mute 0 lon tenpo 2023-199
mi kepeken e linja pona tan jan Same (CC BY 4.0)
ni li sona sama lipu "Underappreciated fun of academic tests".
pali wile pi jan kama sona li pali suli pi tomo ken li utala sona. utala sona li musi tawa mi. pali pi tomo ken li musi ala tawa mi. utala sona li mute la, pilin ni li pona la, mi wile pana e pilin ni.
jan sona lawa li pana e pali suli mute pi tomo ken lon tenpo suno mute. jan pi sona kama li wile pini e pali ale ni lon tenpo wan anu tenpo mute. pali ni li ken suli ike tawa sona sinpin sina.
ken la, mi ike nasa. taso, lon pi pali wile ni li pakala telo e lawa li wile e wawa jaki.
utala sona la, sina wile pali lon mute tenpo lili. pali ante li wile ala. utala sona la, ike pi pali tomo li weka. sina alasa ala e tenpo pali. jan lawa li pana e tenpo suli wan pi utala sona. sina kepeken ala e wawa jaki.
utala sona li sama pali suli pi tomo ken. taso, wawa open li lili. wile li lon tenpo lili.
open pi pali tomo la, sina li sona e pali ante ken li toki insa ike. utala sona la, sina jo ala e pali ante ken li toki insa e pali utala taso. nasin wan li suli la, sina sona e nasin la, utala sona li utala musi.
jan ante pi kama sona li toki e ni li pilin ike tan utala sona: "mi wile lukin mute e lipu li wile pali sona mute. mi kama sona lon tenpo mute la, mi utala pi pona meso. mi kama sona lon tenpo lili la, mi utala ike." pilin monsuta en pali sona mute li pona ala e ike ona! sina utala sona pi pona meso anu ike la, pali sona sina li ike.
ken la, mi nasa. taso, pali suli pi lon pona en pali sona lili li pona e utala sona. taso, mi utala sona pona tan pali suli pi lon pona tan ni: mi pali sona lili lon tenpo mute. mi pali sona mute ala lon tenpo pi utala kama.