weka jan sina li lon ala

tan jan dkl9 lon tenpo 2024-019. ona li ante pini pi mute 0 lon tenpo 2024-019

mi kepeken e linja pona tan jan Same (CC BY 4.0)


ni li sona sama lipu "Your solitude is fake (maybe)".

mi jan sona ala pi pali insa lawa. lipu ala pi sitelen mi li toki e lon mi. sona ni li kama tan pilin pini mi tan ijo pi lukin lipu mi.

lape ala la, jan li pilin li kute li lukin e ma e ijo poka e jan poka. lape pi tawa oko wawa la, jan li pilin ala li kute ala li lukin ala. taso, lawa insa li pali awen e sona pilin kute lukin.

jan li kute e toki jan li lukin e sitelen toki jan la, sina kama jo e sona mute tawa sona pi pali ma. mute pi sona leko li sama. taso, sona kon li mute tan toki tan sitelen. toki en sitelen li ala la, sona kama sina li ma poka sina taso pi nasa ala. toki en sitelen la, sina ken kama sona e mute e nasa lon tenpo lili tan tenpo sitelen mute.

tenpo pini pi weka mute pi ante sijelo mama la, toki li lili. sitelen toki li ala. mute pi tenpo poka pi sona sitelen li sin li kama lon tenpo poka lili. ken la, lawa insa li ken ala moku pona e mute ni tan ni: jan pini li moli li awen tan ike tan pona la, jan sin li ante tawa pona.

lape li pona e sona sin. taso, sona sin li mute ala e lape. taso, jan li ken wile e lape mute tan sona sin mute.

sona pi sitelen toki pi toki leko pali li suli sama sona pi toki poka. toki poka li lili lon tenpo mute. sitelen toki en toki leko pali li kama tan pali lawa mute. jan li ken wile e sitelen ni anu toki pali ni: ona li sin mute tawa jan.

sina wile lape meso e lawa insa la, lukin sitelen li pakala e lape. taso, sina weka tan jan. weka jan li jo e lipu sitelen e ilo la, weka li lon ala.

ยง taso

ken la, toki poka li suli lawa tawa weka pi lon ala. taso, lukin sitelen li ike awen pi weka jan.

jan li sitelen li lukin ala e sitelen pini la, jan li kepeken e ilo li lape pona e lawa tan ni: sitelen sin li suli taso e awen pi sona sin sina.

ken la, sina wile e weka jan tan wile ante pi lape lawa ala la, lukin sitelen li ken pona.